نكت منوعه

موضوع: نكت منوعه الأحد أغسطس 19, 2007 6:24 am

نكت متنوعة

انا جبتلكم نكت متنوعة يا ريت تعجبكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

واحد فافى وهو نازل من البيت أمه سالته "رايح فين؟" فقال لها "مش هقولك انا حر" ، نزل ووقف تاكسى فالسواق ساله "على فين يا باشا؟؟؟" قال له يعنى أنا مقولتش لمامي هقول لك أنت"
ــــــــــــــــــــــــــــــ
مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلالالالالالالا وقاله لما "بكون واقف فى المحل مع ابويا ينابيع يا ابويا يبيع"
ــــــــــــــــــــــــــــــ
مره واحد بلديتنا بعت لمراته جواب كاتب فيه 6 حروف ح فمراته قالت للبوسطجي "اقرا لي الجواب" فقال لها اللى فيه قالت "بس انا فهمت" قال لها البوسطجي "فهمتي ايه" قالت له "حضرة حرم حج حمدان حضروا لة حمار"
ــــــــــــــــــــــــــــــ
مرة ثلاثة مجانين الدكتور جاب ثلاث كبايات مياه فقال لهم "أغطسوا" غطس أتنين ولم يغطس الثالث وتوقع الدكتور أنه خف فقال له "لماذا لم تغطس؟" قال له "خايف أغرق"
ــــــــــــــــــــــــــــــ
واحد راح المترو قطع ثلاث تزاكر قابلة واحد قالة انت قاطع ثلاث تزاكر لية قالة عشان لو ضاعت الاولى يبقى ماعاية التانية قالو لو ضاعت التانية قالة معايا التالتة قالة لو ضاعت التالتة قالو ما تخفش معايا اشتراك
ــــــــــــــــــــــــــــــ
مرة واحد ندل فتح مصنع بيبسي , كتب على العلبة "رج جيدا قبل الفتح"
ــــــــــــــــــــــــــــــ
مره واحد كهربائى اتجوز واحده اسمها نجفه علقوها منه
ـــــــــــــــــــــــــــــــ
مره دكتور راح مستشفي المجانين علشان يكشف عليهم فرسم لهم باب علي الحائط و قال لهم "افتحوه" فراحوا يفتحوه ما عدا واحد، افتكر أنه عقل و بقى كويس فساله "ليه ما فتحتش الباب" قاله "لأن المفتاح معايا !!؟؟"
ــــــــــــــــــــــــــــــــ
مره واحد كسلان محكوم عليه بالإعدام ردما فى حفرة فبيقلوله "نفسك فى ايه قبل ما نردم؟" راح قالهم "أشرب قالولوه "اطلع اشرب" راح رد وقال "انا لسه هطلع يا عم اردم اردم!!"
ــــــــــــــــــــــــــــــــ
مره ثلاث نسور بيتراهنوا مين يصطاد أكتر ,النسر الأول راح ورجع فكان منقاره عليه دم فسألوه النسور التانين الدم ده من ايه قالهم شايفين الصخره اللى هناك اصطتدت عندها أرنب,فراح النسر التانى ورجع فكان منقاره عليه دم أكتر فسألوه الدم ده من ايه فقالهم شايفين الشجره اللى هناك اصطتدت عندها غزاله,راح النسر التالت ورجع مليان دم فى كل حته فى جسمه فسألوه الدم ده من ايه قالهم شايفين العمود اللى هناك ده قالوا له اه قالهم انا ماشفتوش
ـــــــــــــــــــــــــــــــ
مره واحد راح يعزى فى واحد صحبه فهو ماشى فى الجنازه قابل بائع بطيخ فشترى واحده فالناس طول ماهيه ماشيه بتبوص للبطيخه وتقول كلنا لها راح رادد عليهم وقال محدش واخد منها حاجه
ـــــــــــــــــــــــــــــــ
مرة واحد بيقول لمراته "اعملى محشى" فقالت له "ما بعرفش" قلها "ماليش دعوة" فراح الشغل ورجع لقى السفرة مليانة محشى قلها "مين اللى عمله؟" فقالت "معرفش" فأشتكى للبواب، البواب رد وقاله "الشقة ديه مسكونة" فقله "لاياعم أنا هروح شقة حلوان" فطلع الشقة لقى العفش محلول وهو نازل لقى أربع عفاريت بيغنوا "هنروح حلوان هنروح حلوان"
ـــــــــــــــــــــــــــــــ
واحد غني بيتأتأ فراح رحله على حسابه مع اصحابه طول السكه قاعد يقول "ن ن ن" لمل وصلوا قالهم" نسيت الفلوس" فرجعوا طول الطريق قاعد يقول" ك ك ك" فلما وصلوا قالهم" كنت باضحك عليكم"
ــــــــــــــــــــــــــــــ
مرة اثنين واحد رزل والتانى تنح الاول قال للتانى علمنى الرزاله قاله اوكى اتصل برقم قال الحاج حسن موجود قاله لا راح اتصل تانى وقال الحاج حسن موجود قاله لا راح الاول قال لتانى انا علمتك الرزاله علمنى التناحة راح اتصل بنفس النمرة وقال انا الحاج حسن محدش سأل عليا
ــــــــــــــــــــــــــــ
مرة واحد مربى كتكوت مفترس كل ميدخلوا فى عشة ياكل الى فيها راح رماه فى الصحرا وبعد يومين الراجل حس بالذنب راحلو لقيه مرمى على الارض والنسور والصقور بتحوم حوليه راح الراجل قله :حبيبى انت مت ولا ايه راح الكتكوت قله : الله يخرب بيتك بوظت الكمين
ـــــــــــــــــــــــــــــ
اتنين صحاب واحد قال للتاني اعلمك الرزالة وتعلمني الرخامة ؟؟ قاللوا ماشي راح صاحبه قال هي دي الرزالة وجاب التليفون وطلب رقم غلط وقال هشام موجود ؟ قالوا له الرقم غلط طلب تاني هشام موجود ؟ قالوا الرقم غلط وكرر كده كذا مرة وقال هي دي الرزاله راح صاحبه قالله هات التليفون وطلب نفس الرقم وقال انا هشام حد سال عليا ؟؟؟؟؟ وهي دي الرخامه
ـــــــــــــــــــــــــــــ
واحدة قابلت جارتها قالتله بقالى مدة مشفتكيش كل سنة وانتى طيبة بمناسبة رمضان ايه خير انتى لسة لابسة اسود ليه قالتلها اسكوتى مش عمك كان نفسة فى الكتنافة اول يوم فى رمضان نزل يجيب قبل مايضرب المدفع ب 5 دقائق وهو ماشى راحت عربية خبطاه قالتلها وعملتى ايه قالتلها عملت قطايف
ــــــــــــــــــــــــــــــــ
واحد بيحب يلعب بلاى استيشين ابنة مات كتب على قبرة game over
ــــــــــــــــــــــــــــــــ
اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه
ـــــــــــــــــــــــــــــــ
إتنين مشين فى الصحرا طلع عليهم اسد فواحد منهم رماه بطوبة وجرى بيبص وراه لقى صاحبة واقف بيقولة إنت مبتجريش لية قالو وانا مالى هو انا إللى ضربته
ــــــــــــــــــــــــــــــ
مره واحد اتحكم عليه بالاعدام فسأله عشماوى نفسك فى ايه قبل ما تموت فقعد يرفس ففكوه قالوه يا جزمه كنت هتخنق
ــــــــــــــــــــــــــــ
واحد صينى وقع اتكسر
ـــــــــــــــــــــــــــــ
مرة دكتور تحليل امة ماتت قال تحاليلي ياما
ــــــــــــــــــــــــــــ
مدير شركه سجائر مستورده قابل مدير شركه سجائر محليه فقالو انا مره لقيت فى السجاره بتاعتكم خشبه ....انتم بتستوردوا التبغ بتاعكم منين ...فرد عليه مدير الشركه متعجبا .....يعنى ايه تبغ!!!!!؟؟؟؟؟؟
ـــــــــــــــــــــــــــــــــــــــــ
مع تحيات :[img:82a0]http://www.forum.egy4u.com/images/smile2/36_1_39[1].gif[/img:82a0]

» افلم منوعه
» العاب منوعه
» العاب منوعه